שיר:
דבר ליונתי/ רבי שלום שבזי



דִּבֶּר לְיוֹנָתִי תִּפְתַּח דְּלָתֶיהָ / מַה לָּהּ מְנוֹדֶדֶת מִתּוֹךְ מְקוֹמֶיהָ

 

שִׁמְשָׁהּ הֲלֹא זָרַח אוֹרָהּ וְזִיוֶיהָ / עָלָה לְטוֹב זִכְרָהּ אֶרְפָּא מְשׁוּבֶיהָ

 

לָמָּה בְגָלוּתָהּ יִהְיֶה מְגוּרֶיהָ / וַאֲנִי זְכַרְתִּי לָהּ חֶסֶד נְעוּרֶיהָ

 

מִטּוּב הֲלֹא תֹאכַל מִתַּעֲנוּגֶיהָ / גַּנּוֹת וּפַרְדֵּסִים הַכֹּל בְּיָדֶיהָ

 

בְּטוֹב תְּהֶא לָעַד יִיטַב לְבָבֶהָ / עַל מַחֲמַד הָרִים תַּרְבִּיץ לְבָנֶיהָ

 

נָחָשׁ הֲלֹא אָבַד נֵץ לֹא יְשׁוּרֶהָ / בּוֹשׁוּ וְנִכְלָמוּ כָּל עַם מְשַׂנְאֶיהָ

 

יִשְׁעָהּ כְּבָר הוּא בָא אָשִׁיב שְׁבוּתֶהָ / הִנֵּה מְבַשֵּׂר טוֹב אַשְׁמִיעַ בְּאָזְנֶיהָ

 

וּרְאוּ בְיוֹם שׁוּבִי לְחַזֵּק אֲשׁוּרֶיהָ / יִרְאוּ וְיֵבוֹשׁוּ כָּל מַעֲבִידֶיהָ

 

שָׂשׂוֹן וְגַם שִׂמְחָה אַשְׁמִיעַ בְּעָרֶיהָ / וְסַפִּיר וְאַבְנֵי פָז אָקִים שְׁעָרֶיהָ

 

[סַפִּיר וְאַבְנֵי פָּז אָקִים שְׁעָרֶיהָ / שָׂשׂוֹן וְרֹב שִׂמְחָה אֶשְׁפַּע בְּעָרֶיהָ]

 

פָּנִים לְמוּל פָּנִים אָקִים דְּגָלֶיהָ / וַאְסוֹבְבָה בִּשְׁנֵים עָשָׂר שְׁבָטֶיהָ.

 

חפש באתר
טואול - בניית אתרים